Мақсаты:

Білімділік: балаларға наурыз мерекесі, наурыз көже туралы түсінік беріп,

өнерлерін көпшілік алдында көрсетуге үйрету;

Дамытушылық: балалардың есте сақтау қабілетін, бойындағы дарындылығын,

төзімділігін дамыту;

Тәрбиелік: адамгершілікке, сыпайылыққа, бірін- бірі сыйлауға көмектесуге,

кешірімді бола білуге тәрбиелеу.

Көрнекіліктер: " Армысың, Наурыз!", " Наурыз - жыл

басы", "Ұлыстың ұлы күні құтты болсын!" деген қанатты сөздер

жазылған плакаттар.

Керекті құрал- жабдықтар: қазақ үй бұрышы, түскиіз, жүн, ұршық, асық, ат,

бесік.

Ертеңгілік барысы:

1-жүргізуші:

Армысыздар, халайық!

Бармысыздар, халайық!

Наурыз тойын жұп жазбай,

Жылда қарсы алайық!

2-жүргізуші:

Той пердесін ашайық,

Тойға шашу шашайық.

Той шашуға тойыңыздар,

Бұдан кейін өлең тыңдаңыздар!

(Шашу шашылады, әже ортаға шығып, ақ тілегін айтып, шашуын шашады)

1-оқушы:

Наурыз тойын аңсап келем,

Ата - бабам жырлап келген,

Той - думаның жалғассын,-деп,

Тойбастарды жолдаймын мен.

2-оқушы:

Наурыз келді құт болып,

Мына бізге сүт болып.

Аққа аузымыз толады,

Бар жақсылық болады.

3-оқушы:

Жаратылыс жаңарып,

Теңелген кез күн мен түн.

Ел сұрасып жаңалық,

Бір- біріне кірген күн.

4-оқушы:

Наурыз көже татысып,

Үйден үйге кірген күн.

Ән мен биге қатысып,

Қауым боп ойнап күлген күн.

5-оқушы:

Наурызда оюлы,

Ұлттық киім киеміз.

Бастап ән - күй, ойыңды,

Би билеуді сүйеміз.

6-оқушы:

Наурыз тойын әдемі,

Әжем еске түсірді.

Біздерге арнап әдейі,

Наурыз көже пісірді.

"Қара жорға" биі биленеді

7-оқушы:

Көзін ашып бұлақтың,

Көпшілік көшет еккен күн.

Туыс, жекжат - жұраттың,

Қадіріне жеткен күн.

8- оқушы:

Қораларда төл төлдеп,

Бау - бақша гүл ашқан күн.

Көңілдер шат көкке өрлеп,

Әр іс оңға басқан күн.

1- жүргізуші: Балалар, біз наурызда не ішеміз?

Балалар : Көже, көже.

2- жүргізуші: Көженің құрамы неден тұрады, яғни не саламыз?

Балалар: Су, ет, тұз, арпа, кеспе, айран.

1- жүргізуші: Ал енді балалардың өнерін тамашалаңыздар. Наурыз мейрамынан

көріністер. Күй орындалып тұрады.

1.Қонақ күту наурыз көже беру;

2.Бесікке салу, бесік жырын айту;

3.Тұсау кесу рәсімі;

4.Жүн түту, иіру:

5.Қыз қуу;

6.Күресу;

7. Асық ойыны;

2- жүргізуші:

Құлақтан кіріп бойды алар,

Әсем ән мен тәтті күй,

Көңілге түрлі ой салар,

Әнді сүйсең менше сүй, - деп Абай атамыз айтқандай кезекті әнге берейік.

"Атамекен" әні орындалады.

1-жүргізуші: Осымен, қадірменді қонақтар, наурыз мерекесіне арналған шағын

ертеңгілігіміз аяқталды.